പ്രിയ സഖീ....
അകലേ,നീ പൊന് മുകിലേ,
ആഴകേ,പൊലി നിറ കതിരേ,
വരുമോ നീയൊന്നരികേ?
പകരാം നറു നവനീതം
മതി തീരും വരെയെന്നും
മുഴുകാം സുഖമനുരാഗം,
പറയൂ സഖി മടിയാതെ
മിഴികള് നിറയുവതെന്തേ?
നിശതന് നീലീമ തഴുകും
തനുവില് തമ്പുരുമീട്ടും
കുസൃതിക്കാറ്റു പറഞ്ഞോ?
വരുകില്ലയവന് വേറേതോ
മലരിന് മധുകണമൂറും
അധരം തേടിയകന്നോ?
വെറുതേ വീണ്വാക്കല്ലേ?
ചപലേ ചാരുത വേറെ
വരുമോ നിന്നോളം പൊന്നേ ?
പ്രണയം സുഖമയ സുകൃതം..
അജയ് മേനോന് 14 oct 2011
